اللہ اور اسکے رسول کی اطاعت ہی میں کامیابی مضمر، ورنگل میں سید نصیر احمد چشتی کا بیان

جناب سید نصیر احمدچشتی نیازی حیدرآباد ہاؤز درگاہ شریف اجمیر کا ان دنوں ورنگل شمعون پیٹھ میں جناب ابراہیم صاحب کی رہائش میں قیام ہے۔ ان سے ملاقات کرنے کیلئے ورنگل، ہنمکنڈہ اور قاضی پیٹھ سے عقیدت مندوں کا تانتا بنا ہوا ہے۔ جناب سید نصیر احمدنے درگاہ حضرت معشوق ربانی ؒ کی بارگاہ میں حاضری بھی دی۔ انہوں نے نمائیدہ اعتماد وحید گلشن سے ملاقات کرتے ہوئے کہا کہ جو شخص اللہ اور اسکے رسولؐ کے بتائے ہوئے راستہ پر چلے گا وہ شخص کامیاب و کامران ہوگا۔ ساری دنیا کے اولیائے کرام نے اللہ



اور اسکے رسولؐ کے بتائے ہوئے راستہ پر چل کرہی اپنی دنیا وآخرت بنائی ہے۔ اولیاء اللہ کی ساری سوانح حیات کا اگر گہرائی سے مطالعہ کیا جائے تو یہی پیام ملے گا انہوں نے انسانیت کی تعلیم کو عام کیا ہے۔ سارے انسانوں میں پیغام محمدی کو پہنچانے کا بیڑہ اٹھایا ہے۔ آج ہم نے نمازوں کا پڑھنا اور روزوں کا رکھنا، بھائی اور بہنوں کے حق کو مارنے کو طریقہ اختیار کیا ہے اسکی وجہ سے ہم آج ہر جگہ رسواء ہورہے ہیں۔ ہمیں اپنی زندگیوں کا جائزہ لینا چاہیے۔ اور ثابت قدمی کے ساتھ اسلامی اصولوں کو اپنانا چاہیئے۔